இங்கிலாந்து பிரீமியர் லீக்கின் கடந்த வாரத்திற்கான கண்ணோட்டம்

இங்கிலாந்து பிரீமியர் லீக்கின் கடந்த வாரத்திற்கான கண்ணோட்டம்

 

 

இங்கிலாந்து பிரீமியர் லீக் காலப் பந்தாட்டப்போட்டி தொடரின் ஆரம்பம் சில எதிர் பார்புகளுடன் சென்றாலும், சில எதிர் பார்த்த விடயங்களும் நடப்பவையாக உள்ளன. புதிய வீரர்கள் , மாற்றப்பட்ட வீர்கள் கை கொடுக்கும் அதேவேளை சிலர் கை விட்டும் உள்ளனர். சில முகாமையாளர்கள், பயிற்றுவிப்பாளர்கள் ஏன் அந்த வீரர்களை வெளியே விட்டோம் என யோசிக்க வேண்டியுள்ள அதேவேளை, சில முகாமையாளர்கள், சில பயிற்றுவிப்பாளர்கள் தங்கள் தெரிவு வீண் போனதில்லை என தங்கள் கொலரை உயர்த்தி விடுகிறார்கள். சகல அணிகளும் மூன்று போட்டிகளை நிறைவு செய்துள்ள நிலையில் தொடர் விறு விறுப்பான கட்டத்திற்குள் செல்கிறது என இப்போதே சொல்ல முடிகிறது. இந்த வாரத்தில் விறு விறுப்பை அதிகம் தந்த போட்டிகள் இரண்டு.

சவுத்ஹம்டன் எதிர் மன்செஸ்டர் யுனைட்டெட்

இப்போட்டி மன்செஸ்டர் யுனைட்டெட் அணி பயிற்றுவிப்பாளர் சேர் அலெக்ஸ் பெர்கசனின் ஆயிரமாவது லீக்போட்டி என்பது குறிப்பிடத்தக்கது . நட்சத்திர வீரர் வெயின் ரூணி காலில் ஏற்பட்ட உபாதை காரணமாக இப்போட்டியில் களமிறங்கவில்லை . சென் மேரிஸ் மைதானத்தில் நடைபெற்ற இப்போட்டியில் சவுத்ஹம்டன் அணியின் ரிக்கி லம்பேர்ட் முதலாவதாக ஹெடிங் முறையில் கோல் பெற்றார் . அதன் பின்னர் மன்செஸ்டர் யுனைட்டெட் அணியின் புதிய முன் வரிசை வீரர் (ஸ்ட்ரைக்கர்) ரொபின் வன் பேர்சி சிறந்த முறையில் கோல் பெற்று போட்டியை சமனாக்கினார் . இரண்டாவது பாதியில் வன் பேர்சி ஒரு பெனால்டியை கோல் காப்பாளர் தடுத்தார் என்பது முக்கிய விடயம் . பின்னர் ககவா மற்றும் க்லேவெளி ஆகிய வீரர்களுக்கு பதிலாக களமிறங்கிய நாணி மற்றும் ஸ்கோல்ஸ் மன்செஸ்டர் யுனைட்டெட் அணியின் விளையாட்டை மெருகூட்டினர் . ஐம்பத்தைந்தாவது நிமிடத்தில் மோர்கன் சினைடர்லின் பற்றிஸ் எவ்ராவின் கவலையீனத்தினால் சவுத்ஹம்டன் அணிக்கு மீண்டும் ஒரு கோல் பெற்றார் . 87வது நிமிடம் வரை முன்னிலையில் இருந்த சவுத்ஹம்டன் அணி இறுதி மூன்று நிமிடங்களில் இரண்டு ரொபின் வன் பேர்சியின் கோல்களால் தோல்வியை சந்தித்தது . வான் பெர்சியின் இந்த லீக் தொடருக்கான முதலாவது ஹட்ரிக் என்பது குறிப்பிடத்தக்கது . மன்செஸ்டர் யுனைட்டெட் அணியின் பின் காப்பு வரிசை (டிபென்ஸ்) மிகவும் திடமாக இல்லை என்பது தெளிவாக தெரிகிறது . சவுத்ஹம்டன் அணி முதல் மூன்று போட்டிகளில் தோல்வியை கண்டு இறுதியாக உள்ளனர் .


லிவெர்பூல் எதிர் ஆர்செனல்


இரண்டு அணியின் பயிற்றுவிப்பாளர்களுமே உதைபந்தாட்ட ரசிகர்களினாலும் மற்றும் வல்லுனர்களினாலும் மிகவும் வன்மையாக விமர்சிக்கப்பட்டதனால் இரு அணிகளும் இந்த போட்டியில் வெற்றி பெற வேண்டிய நிலையில் களமிறங்கியது . அன்பீல்ட் லிவெர்பூல் மைதானத்தில் நடைபற்ற இப்போட்டியில் ஆர்செனல் அணியில் நடப்பு தொடரின் புதிய வீரர்களான லூகாஸ் பொடோல்ஸ்கி மற்றும் கசரோலா ஆகியோர் தலா ஒவ்வொரு கோல்களை பெற்று தமது அணியின் முகாமையாளர் தம்மேல் வைத்த நம்பிக்கையை காப்பாற்றியுள்ளனர் என்றே சொல்லலாம் . லிவெர்பூல் அணியில் சுவாரெஸ் தவிர நட்சத்திர முன் வரிசை வீரர் (ஸ்ட்ரைக்கர்) இல்லாதது கவலைக்கிடமாகவே உள்ளது . ஏனெனில் எண்பதாம் ஆண்டு காலப்பகுதியில் இங்கிலாந்து லீக்கை கலக்கிய அணி லிவெர்பூல் என்பது குறிப்பிடத்தக்கது . அண்டி கரோலின் வெளியேற்றம் இப்போது அணியை பாதிப்பதாக உதைபந்தாட்ட வல்லுனர்கள் கருதுகின்றனர் . மீண்டும் லிவெர்பூல் அணி எப்போது சிறப்பாக ஆடும் என்பது கேள்விக்குறியாகவே உள்ளது . லிவெர்பூலின் முன்னாள் வீரர் மைக்கல் ஓவன் மீண்டும் அணியில் இணைவார் என்று எதிர்பார்க்கப்படுகிறது .


புள்ளிப் பட்டியல்

ஒவ்வொரு அணியும் தலா மூன்று போட்டிகளில் விளையாடியுள்ளன. தொடர் நிறைவடையும் வேளையில் ஒவ்வொரு அணியும் தலா 38 போட்டிகளில் விளையாடி இருக்கும். அதில் எந்த அணி கூடுதலான புள்ளிகளை கொண்டு இருக்கிறதோ அந்த அணி வெற்றி பெறும். அந்த வகையில் புள்ளிப் பட்டியல் மிக முக்கியமானதாக இங்கிலாந்து பிரீமியர் லீக் காற்ப் பந்தாட்டப் போட்டிகளில் அமைகின்றன.

	அணி	பு	போ	வெ	தோ	ச	கோ. வி
1	செல்சீ	9	3	3	0	0	6
2	ஸ்வேன்சீ	7	3	2	0	1	8
3	வெஸ்ட்ப்றோம்	7	3	2	0	1	5
4	மன்செஸ்டர் சிட்டி	7	3	2	0	1	3
5	மன்செஸ்டர் யுனைட்டெட்	6	3	2	1	0	1
6	எவர்டன்	6	3	2	1	0	1
7	வெஸ்ட்ஹாம்	6	3	2	1	0	1
8	ஆர்செனல்	5	3	1	0	2	2
9	விகான்	4	3	1	1	1	0
10	நியூகாசில்	4	3	1	1	1	-1
11	புல்ஹாம்	3	3	1	2	0	0
12	ஸ்ரோக்	3	3	1	2	0	-1
13	சண்டேர்லன்ட்	2	3	0	1	2	0
14	ரொட்டன்ஹாம்	2	3	0	1	2	-1
15	நோறிச்	2	3	0	1	2	-5
16	ரெட்டிங்	1	3	0	2	1	1
17	அஸ்டன் விலா	1	3	0	2	1	1
18	லிவெர்பூல்	1	3	0	2	1	1
19	கியு பி ஆர்	1	3	0	2	1	1
20	சவுத்ஹம்டன்	0	3	0	3	0	-4

எழுதியது : சாந்தன் பரமேஷ்

http://www.sportskalam.com/index.php/soccer/soccer-articles/477-2012-09-04-18-57-29